ХОҶАГИҲО ДАР БОЗГАШТИ ТУХМӢ САҲЛАНГОРӢ МЕКУНАНД

                Душанбе, 13 октябр. (АМИТ «Ховар», Лаззат Диловарзод).- Тибқи маълумоти фаврии Раёсати тухмипарварӣ ва дастовардҳои селексионии Вазорати кишоварзӣ, дар аввали соли 2008 дар асоси шартнома ба хоҷагиҳои деҳқонӣ (фермерӣ) ба миқдори 1620,5 тонна картошкаи тухмӣ тақсим карда шуд, ки фонди бозгашти он 2430 тоннаро ташкил медиҳад.               То 7- уми ноябр аз тарафи хоҷагиҳо ба Вазорати кишоварзӣ 261,6 тонна картошка баргардонида шудааст, ки ин 16,1 фоизи фонди бозгаштро ташкил медиҳад.               Боиси тазаккур аст,ки соли ҷорӣ бо супориши Ҳукумати Ҷумҳурии Тоҷикистон Вазорати кишоварзӣ ба хоҷагиҳои деҳқонӣ (фермерӣ) -и пешсафи мамлакат тухмии хушсифати навъҳои «Кардинал» ва «Пикассо»-ро аз хориҷи кишвар ворид ва тақсим намуд.               Бо мақсади зиёд намудани тухмии хушсифату серҳосил Вазорати кишоварзӣ фонди бозгаштро ташкил дод.               Хоҷагиҳоро зарур аст, ки баробари баргардонидани тухмии гирифташуда ба фонди бозгашт дар асоси шартномаи басташуда, илова 800 тонна картошка супоранд, аммо чунон, ки маълум шуд, хоҷагиҳо дар баргардонидани картошкаи тухмӣ ба фонди бозгашт саҳлангорӣ мекунанд.