КӮМАКИ ШВЕЙТСАРИЯ ВА СОЗМОНИ ҶАҲОНИИ ТАНДУРУСТӢ БА ҶТ
Душанбе, 27 ноябр. (АМИТ «Ховар», Темур Бандишоев). – Раёсати рушду ҳамкории Швейтсария ва Созмони ҷаҳонии тандурустӣ барои амалӣ сохтани барномаи кам кардани таъсири шароити ғайримуқаррарии иқлим ба соҳаи тандурустӣ созишнома имзо карданд. Мувофиқи он фасли зимистони соли равон ба муассисаҳои тандурустии Тоҷикистон кӯмак расонда мешавад. Маблағи умумии барнома 381 ҳазор франки швейтсариро ташкил медиҳад. Тавре хабар дода шуда буд, Ҳукумати Тоҷикистон баъди зимистони каҳратуни соли гузашта ба мамлакатҳо ва созмонҳои байналхалқӣ муроҷиат карда хоҳиш намуд, ки барои бартараф намудани оқибатҳои ҳавои сард ва бӯҳрони энергетикӣ кӯмак расонанд. Барномаи мазкур бо дастгирии Вазорати тандурустии ҷумҳурӣ амалӣ карда мешавад.
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
