МАБЛАҒГУЗОРИИ САРИКАСӢ ДАР НОҲИЯҲОИ ҶУМҲУРӢ

Душанбе,  10 ноябр. (АМИТ «Ховар», Ибодат Давлатова). – 13-уми  ноябри соли ҷорӣ дар шаҳри Душанбе бо ташаббуси Вазорати тандурустии Ҷумҳурии Тоҷикистон  дар мавзўи «Индикаторҳои арзёбӣ ва мониторинги миёнамўҳлати  маблағгузории сарикасӣ, проблемаҳо  ва душвориҳое, ки дар раванди татбиқи маблағгузории сарикасӣ ба миён  омаданд» мизи мудаввар баргузор мегардад.Тавре аз маркази матбуоти Вазорати тандурустии Ҷумҳурии Тоҷикистон хабар доданд, дар  он роҳбарият ва кормандони Дастгоҳи марказии Вазорати тандурустӣ ва  намояндагони ташкилотҳои байналмилалӣ иштирок менамоянд. Инчунин, дар он масъалаҳои   индикаторҳои пешниҳодшаванда, арзёбӣ ва мониторинги миёнамўҳлати маблағгузории сарикасӣ, муайян намудани индикаторҳо, проблемаҳои асосии дар раванди амалисозии маблағгузории сарикасӣ бамиёномада ва   роҳҳои ҳалли проблемаҳои пешниҳодгардида, муҳокима карда мешаванд.