МАРДУМ БО МАБЛАҒИ ХУДАШОН НЕРӮГОҲИ ХУРДИ БАРҚӢ МЕСОЗАНД
Душанбе, 28 ноябр. (АМИТ «Ховар», Мавзуна Бойева). — Дар ноҳияи Кӯҳистони Мастчоҳ шумораи нерӯгоҳҳои хурди барқӣ ба 35 адад расид. Тавре мудири Шӯъбаи энергетика ва саноати ҳукумати вилояти Суғд Содиқ Рустамов хабар дод, сокинони ноҳия бо истифода аз рӯдхонаҳои кӯҳии хурду сойҳо, бо маблағҳои худашон масолеҳи сохтмонӣ ва генераторҳо харида, нерӯгоҳҳои хурди барқӣ месозанд. Иқтидори ин нерӯгоҳҳои хурд аз 2 то 60 киловатт буда, иқтидори умумии онҳо ба 800 киловатт баробар аст,- Содиқ Рустамов.Ёдовар мешавем, ки ҳафтаи гузашта дар деҳаи Артучи ноҳияи Панҷакент нерӯгоҳи хурд бо иқтидори 500 киловатт мавриди истифода қарор гирифт. Барои бунёди он 600 ҳазор доллар маблағ сарф шуд. Инчунин, дар ноҳияи Кӯҳистони Мастчоҳ сохтмони ду нерӯгоҳи хурди дигар бо иқтидори 500 ва 60 киловатт идома дорад, ки арзиши лоиҳавии аввалӣ ба 2,1 млн. сомонӣ ва дуюмӣ ба 200 ҳазор доллар баробар аст. Лозим ба ёдоварист, ки ин нерӯгоҳҳо бояд то соли 2010 ба истифода дода шаванд.
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Имрӯз дар водиҳои Тоҷикистон ҳаво 23 дараҷа гарм мешавад
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
