«МОДАРБОҒ»- ҲОИ ХИТОӢ ДАР ТОҶИКИСТОН

Душанбе, 28 ноябр. (АМИТ «Ховар», Лаззат Диловарзод).-  Солҳои охир хоҷагиҳои кишоварзии ҷумҳурӣ ба васеъ намудани масоҳати боғу токзорҳо  таваҷҷӯҳи зиёд  зоҳир  мекунанд. Тибқи маълумоти омории  Вазорати кишоварзӣ, соли 2008 дар майдони 28 ҳазору 579 га   боғҳои нав, дар масоҳати 654 га токзорҳои нав бунёд карда шуда, як ҳазору 148 га боғҳои кӯҳна  ва 528 га токзорҳои беш аз 25- 30 —  сола аз нав барқарор карда шуданд. Соли ҷорӣ  аз Ҷумҳурии Мардумии Чин ба миқдори 29  ҳазору 500 бех ниҳоли гуногун, аз ҷумла 14  ҳазору 800 бех себи хитоӣ  ва 4 ҳазору  700  бех гелос ба ҷумҳурӣ ворид карда шуд.Вазорати кишоварзӣ ниҳолҳои  мевадиҳандаи хитоиро  ба хоҷагиҳои кишоварзии шаҳру навоҳии ҷумҳурӣ тақсим кард.Ҳоло ба сабзиши ин ниҳолҳоро мутахассисон  баҳои хуб медиҳанд. Дар оянда аз ҳисоби ниҳолҳои себу гелоси хитоӣ дар хоҷагиҳои ниҳолпарвар «Модарбоғ»-ҳо  бунёд мегарданд.