МУОВИНИ ВАЗИРИ КИШОВАРЗӢ БАР ЗИДДИ ҲАШАРОТ МУБОРИЗА МЕБАРАД

       Душанбе, 27 ноябр. (АМИТ «Ховар», Лаззат Диловарзод).- Дар Вазорати кишоварзӣ ба мухбири АМИТ «Ховар» иттилоъ доданд, ки дар соли 2008- 2009 масоҳати гармхонаҳо дар ҷумҳурӣ ба 60 гектар расонида мешавад.       Бо мақсади бунёди гармхонаҳо ва ба роҳ мондани истифодабарии онҳо дар тирамоҳу зимистони соли 2008-2009, ба муовини вазир Шукрулло Раҳимназаров, сардори Раёсати растанипарварӣ Саидмурод Баҳриддинов, сардори Муассисаи давлатии муҳофизати растаниҳо Юсуф Муродов, раёсатҳои кишоварзии вилоятҳо ва шаҳру ноҳияҳо супориши қатъӣ дода шуд.      Ҳамчунин, номбурдагон вазифадор карда шуданд, ки иҷрои «Барномаи мубориза бар зидди касалиҳо ва ҳашароти зараррасон ва боғу токзори Ҷумҳури Тоҷикистон барои соли 2006-2012» — ро таъмин намоянд.