НАМОИШГОҲИ ЭРОН, РУСИЯ, ТУРКИЯ ВА ЧИН ДАР ДУШАНБЕ

           Душанбе, 10  ноябр. (АМИТ «Ховар», Покиза Маҳмадбекова). — Имрӯз низ дар Маҷмааи давлатии «Кохи Борбад» Намоишгоҳи «Агрофуд — 2008» корашро идома медиҳад. Дар кушодашавии намоишгоҳ муовини аввали раиси Палатаи савдо ва саноати Ҷумҳурии Тоҷикистон Одил Сангов қайд намуд, ки мақсади асосии гузаронидани ин намоишгоҳ дар ҷумҳурии мо шиносоии соҳибкорони тоҷик бо маҳсулоти соҳибкорони Эрон аст.  Соҳибкорони тоҷик метавонанд аз таҷрибаи соҳибкорони хориҷӣ баҳраманд шаванд ва дар оянда ҳамкориҳои дуҷонибаро густариш диҳанд, — афзуд ӯ.    Дар намоишгоҳ аз ҷониби ширкатҳои «Пищевая индустриальная компания Палуд Порсиён», «Чай Алокозай», «Озин интернейшнл», «Пойдори Сабзе Алборз», ширкати «Неругустарон Хуросон» ва ТОО Ширкати байналмилалии «Синь Бэй» — и Ҷумҳурии Мардумии Чин  мошинҳо ва таҷҳизоти кишоварзӣ, нуриҳои минералӣ, пеститсидҳои кишоварзӣ, маҳсулоти хӯрокворӣ, таҷҳизот ва системаҳои бастабандӣ пешкаши мардуми тоҷик  гардид.          Қобили зикр аст, ки  ғайр аз соҳибкорони Эрон, Русия ва Туркия низ молу маҳсулоти хешро пешкаш намуданд.  Худи ҳамон рӯз вохӯрии доираҳои соҳибкорони Тоҷикистону Эрон баргузор гардид. Бояд қайд намуд, ки намоишгоҳи мазкур бо дастгирии Палатаи савдо ва саноати Ҷумҳурии Тоҷикистон ва Ширкати намоишгоҳи рекламавии «Гроу Интернейшнл»-и Ҷумҳурии Исломии Эрон баргузор шуда, то 12 – уми ноябр идома хоҳад ёфт.