ШӮҲРАТИ ШОҲМОТБОЗОНИ ТОҶИК АФЗУНТАР МЕГАРДАД

        Душанбе, 24 ноябр. (АМИТ «Ховар», Пайрав Назаров). – Дастаи мунтахаби мардонаи шоҳмотбозони Тоҷикистон дар даври ҳаштуми Олимпиадаи ҷаҳонии шоҳмот зимни қувваозмоӣ бо дастаи Фаластин ғолиб омад. Ҳисоби умумии қувваозмоӣ 2,5 : 1,5 ба фоидаи шоҳмотбозони тоҷик мебошад. Вале дастаи мунтахаби занони шоҳмотбози Тоҷикистон дар қувваозмоӣ бо дастаи Кумитаи байналхалқии шоҳмотбозони маъюб бо ҳисоби 0,5 :3,5 мағлуб гардид.        Ҳамин тариқ, дастаи мунтахаби мардонаи Тоҷикистон дар ҷадвали бозиҳои Олимпиада 15 зина боло баромад. Онҳо айни ҳол бо 18,5 хол ҷои 59 –умро ишғол мекунанд. Мавқеи дастаи мунтахаби занони шоҳмотбози тоҷик низ бо вуҷуди бохти охирини онҳо дар ҷадвали бозиҳо хеле беҳтар гардид. Дастаи мунтахаби занонаи Тоҷикистон айни ҳол бо 14,5 хол дар ҷадвали мусобиқа ҷои 81 –умро ишғол менамояд.