ШӮЪБАИ ТАВАЛЛУД ДАР ШӮРОБОД, МАРКАЗИ САЛОМАТӢ ДАР ВАНҶУ ИШКОШИМ

       Душанбе, 20 ноябр. (АМИТ «Ховар», Ибодат Давлатова). -Идораи сохтмони асосии Вазорати тандурустии Ҷумҳурии Тоҷкистон дар соли 2008 як қатор иншооти соҳаи тандурустиро бо таҷҳизоти зарурии тиббӣ ҷиҳозонида, мавриди истифода қарор дод.       Тавре маркази матбуоти Вазорати тандурустии Ҷумҳурии Тоҷикистон хабар медиҳад, дар ин муддат Вазорати тандурустӣ сохтмони Маркази саломатии деҳаи Қизил-Юли ноҳияи Турсунзодаро бо маблағи умумии 574 ҳазор сомонӣ, таҷҳизот — 30 ҳазор сомонӣ, обтаъминкунии беморхонаи касалиҳои пӯсти ноҳияи Ҳисор ба маблағи умумии 200 ҳазор сомонӣ, азнавсозии бомҳои БМН Шаҳринав ба маблағи умумии 180 ҳазор сомонӣ ба роҳ монд.        Илова бар ин, соли равон Идораи сохтмони асосии Вазорати тандурустӣ тасмим гирифтааст, ки иншооти шӯъбаи таваллуди Беморхонаи марказии ноҳияи Шӯрободро барои 16 кат ва ду Маркази саломатиро дар ноҳияҳои Ванҷу Ишкошим мавриди истифода қарор диҳад.