ТАЪСИРИ ҒАЗЗОЛӢ БА МАРДУМИ ШАРҚИ НАЗДИКУ МИЁНА
Душанбе, 13 ноябр. (АМИТ «Ховар», Лутфия Эшонқулова). — Имрӯз дар Маркази тоҷикшиносии Китобхонаи миллии Тоҷикистон ба номи Абулқосим Фирдавсӣ ба ифтихори 950-солагии Муҳаммад Ғаззолӣ дар мавзӯи «Эмом Ғаззолӣ нобиғаи ҳама давру замонҳо» семинари илмӣ гузашт. Дар он шарқшиносон ва файласуфони ҷумҳурӣ иштирок намуда, роҷеъ ба шахсият, рӯзгор ва осори Муҳаммад Ғаззолӣ суханронӣ карданд. Мудири шӯъбаи тоҷикшиносии китобхона Муҳаммадии Навин дар бораи назари Эмом Ғаззолӣ ба фалсафа сухан гуфта, зикр намуд, ки фалсафаи ӯ илоҳӣ буда, шомили куллиёт аст. Ӯ ақидаи файласуфонро дар бораи қадимияту абадияти олам напазируфта, исбот карданӣ мешавад, ки гӯё Худо оламро бо иродаю ихтиёри худ аз ҳеҷ офаридааст. Маърифат бошад, ҳиссӣ ва шуҳудӣ буда, яке аз ҳиссу ақл ва дигаре аз илҳому имони қалбӣ моя мегирад. Шарқшинос Амрияздони Алимардон дар бораи нусхаҳои осори Эмом Ғаззолӣ дар ганҷинаи шарқии Академияи Илмҳои Ҷумҳурии Тоҷикистон ва хусусиятҳои онҳо маърӯза хонд. Дар охир зикр гардид, ки Ғаззолӣ дар инкишофи афкори халқҳои Шарқи Наздик ва Миёна таъсири мусбат расонидааст ва номаш дар радифи файласуфони машҳури ҷаҳонӣ ҷой гирифтааст.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
