ТАЪСИСИ НУҚТАҲОИ ХИЗМАТРАСОНИИ ТЕХНИКӢ БА ХОТИРИ БЕҲБУДӢ

                 Душанбе, 12 октябр. (АМИТ «Ховар», Лаззат диловарзод).- Дар Раёсати техника, инфраструктураи кишоварзӣ ба мухбири АМИТ «Ховар» иттилоъ доданд, ки вазъи таъмини техника дар хоҷагиҳои кишоварзии ҷумҳурӣ сол то сол ташвишовар мегардад. Агар соли 2007 дар ҷумҳурӣ 3485 трактори шудгоркунанда ба ҳисоб гирифта шуда бошад, соли ҷорӣ шумораи он ба 3317 адад мерасад, ки ин нисбат ба ҳамин давраи соли 2007 168 адад кам ва корношоям гардидааст.               Ҳукумати ҷумҳурӣ бо мақсади баромадан аз ин вазъи душвори техникӣ, дар ноҳияҳои ҷумҳурӣ нуқтаҳои хизматрасонии техникиро таъсис дод, ки дар сурати нарасидани техникаи зарурӣ хоҷагиҳои ҷамъиятӣ ва деҳқонӣ (фермерӣ) аз ин марказҳо истифода хоҳанд бурд.                Ҳоло дар ҷумҳурӣ аз 3317 трактори шудгоркунанда 1886-тои он омодаи кор аст, ки ин ба 57 фоизи шумораи тракторҳои мавҷудбуда баробар аст.