ЯГОН ЛИТР СӮЗИШВОРӢ БОҚӢ НАМОНДААСТ, ВАЛЕ КОР ҲАСТ

               Душанбе, 12 октябр. (АМИТ «Ховар», Лаззат Диловарзод).- Тибқи маълумоти Кумитаи давлатии омор, то 1-уми ноябри соли ҷорӣ ба корхонаҳои кишоварзӣ ва хоҷагиҳои деҳқонӣ (фермерӣ)-и ҷумҳурӣ ба миқдори 38 ҳазору 172 тонна сӯзишвории дизелӣ ворид карда шудааст, ки нисбат ба ҳамин давраи соли 2007 ба миқдори 1284 тонна камтар аст.             Дар ин муддат ба ноҳияҳои Роғуну Тавилдара ба миқдори 3 тоннагӣ, ноҳияи Варзоб-6, ноҳияи Ҷиргатол- 35, Тоҷикобод- 55 тонна сӯзишвории дизелӣ ворид гардидааст.             Бо ин миқдор сӯзишворӣ анҷом додани корҳои кишоварзӣ, аз ҷумла шудгори заминҳо ва кишти тирамоҳӣ дар ин ноҳияҳо мушкилоти зиёдеро пеш меорад.            Тибқи иттилои ҳамин манбаъ, айни замон дар ноҳияҳои Варзоб, Нуробод, Тавилдара, Рашт, Тоҷикобод, Ҷиргатол ва шаҳри Роғун аз сӯзишвории воридшуда ягон литр боқӣ намондааст. Пас, дар бораи иҷрои корҳои тирамоҳӣ чӣ гунна метавон ҳарф зад?