ҚОНУН «ДАР БОРАИ ФАРМОИШИ ИҶТИМОИИ ДАВЛАТӢ» ҚАБУЛ КАРДА МЕШАВАД

       Душанбе, 9 декабр. (АМИТ «Ховар», Марзия Саидова).-Дар асоси қарори Раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев, 18 –уми декабр дар шаҳри Душанбе иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон даъвати сеюм даъват карда мешавад.       Тибқи иттилои Шӯрои Маҷлиси миллии Маҷлиси Олии ҷумҳурӣ, дар иҷлоисияи ҳабдаҳуми палатаи болоии парлумони мамлакат Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи мақомоти прокуратураи Ҷумҳурии Тоҷикистон», қонунҳои Ҷумҳурии Тоҷикистон «Дар бораи ворид намудани илова ба Қонуни Ҷумҳурии Тоҷикистон «Дар бораи рӯзҳои ид», «Дар бораи боҷи давлатӣ», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи мусоидат ба шуғли аҳолӣ» ва Қонуни Ҷумҳурии Тоҷикистон «Дар бораи фармоиши иҷтимоии давлатӣ» муҳокима мегарданд.       Ҳамзамон, баррасии дигар қонунҳою санадҳои ҳуқуқии марбут ба масъалаҳои ҳаёти иқтисодию иҷтимоӣ ва фарҳангии мамлакат дар назар аст.