ҚОНУНШИКАНОН БА ҶАВОБГАРӢ КАШИДА МЕШАВАНД

           Душанбе, 10 декабр. АМИТ «Ховар», Анварбек Сиддиқов).- Кормандони Агентии назорати давлатии молиявӣ ва мубориза ба муқобили ришвахӯрӣ дар давоми 11 моҳи соли равон  фаъолияти молиявии 962 вазорату идора, мақомоти иҷроияи ҳокимияти давлатӣ ва корхонаю муассисаро тафтиш намуданд. Дар натиҷаи ин тафтишҳо 89,6 миллион сомонӣ зарари расондашуда ошкор карда шуд. Дар натиҷаи тадбирҳои андешидашуда 28,6 миллион сомонӣ  ба   буҷети давлат баргардонида шуд. Аз дафтари матбуоти Агентии  назорати давлатии молиявӣ ва мубориза ба муқобили ришвахӯрӣ ба АМИТ  «Ховар»  хабар доданд, ки аз рӯи натиҷаи тафтишҳо теъдоди зиёди  кормандони масъул ба ҷавобгарии интизомӣ кашида, 58 нафари онҳо  аз вазифа озод карда шуданд.