ҲАҶМИ ХАРИДУ ФУРӮШИ МОЛ БО МАМЛАКАТҲОИ ХОРИҶӢ МЕАФЗОЯД

          Душанбе,  17  декабр. (АМИТ «Ховар», Покиза  Маҳмадбекова). –  Аз  рӯи  маълумоти  Кумитаи  давлатии  омори  ҷумҳурӣ,  маблағи  хариду  фурӯши  мол  дар  байни  Тоҷикистон ва  мамлакатҳои  хориҷӣ  дар   давоми  моҳҳои  январ – ноябри соли  равон  ба  4 миллиарду 301,4   миллион   доллари  ИМА  расид. Ба ин  маблағ  нархи хариду фурӯши  қувваи  барқ  ва  гази табиӣ  низ  дохил  мешавад. Дар  ин  давра  ҳаҷми  воридоти мол  2,2  баробар  афзуда,   маблағи  он   қариб 2  миллиард   доллари  ИМА – ро  ташкил  дод. Мухбири  АМИТ «Ховар»  хабар  медиҳад, ки  Тоҷикистон    соли равон  бо  11  мамлакати  ИДМ  ва  85  мамлакати  хориҷии  дуру  наздик  муносибатҳои  иқтисодии  берунӣ  дорад.