ҲАЙАТИ АФҒОНИСТОН БА ТОҶИКИСТОН ОМАД

              Душанбе, 20 декабр. (АМИТ «Ховар», Темур Бандишоев). — Бо даъвати Кумитаи кор бо ҷавонон, варзиш ва сайёҳии назди Ҳукумати Ҷумҳурии Тоҷикистон ҳайати Афғонистон таҳти роҳбарии муовини вазири фарҳанг ва иттилооти ин мамлакат барои боздиди корӣ ба Душанбе омад. Ҳадафи ташрифи меҳмонон шиносоӣ бо фаъолияти Кумитаи кор бо ҷавонон, варзиш ва сайёҳии назди Ҳукумати ҷумҳурӣ ва муассисаҳои он мебошад. Ҳайати Афғонистон зимни сафар бо фаъолияти Маркази фарҳангии ҷавонони «Ориёно» шинос гардида, барои боздид ба шаҳри Турсунзода хоҳад рафт.             Мухбири АМИТ «Ховар» хабар медиҳад, ки дар фарҷоми сафар имзои Меморандуми ҳамкории Тоҷикистону Афғонистон дар соҳаи кор бо ҷавонон, варзиш ва сайёҳӣ пешбинӣ карда мешавад.                                                                                                                  Тарҷумон — Қудратов А.