ҲАРИФОНИ «РЕГАР — ТАДАЗ» МУАЙЯН ГАРДИДАНД

        Душанбе,  9   декабр.  (АМИТ «Ховар», Пайрав  Назаров). —  Дар  шаҳри  Маскав  маросими  қуръапартоии   мусобиқаи  байналхалқии  27 – уми  дастаҳои  футболи  мамлакатҳои  ИДМ  ва  Балтика   барои  ба даст овардани  Ҷоми қаҳрамонӣ  дар  соли  2009  баргузор  гардид. Дар  ин  мусобиқа  қаҳрамони  футболи  Тоҷикистон  дар  соли  2008 – дастаи  «Регар – Тадаз» — и   шаҳри  Турсунзода  ширкат  меварзад. Дастаи  мазкур  аз  рӯи  натиҷаҳои  қуръапартоӣ  ба  гурӯҳи «С»  шомил  гардид. Футболбозони тоҷик  дар ин  гурӯҳ  бо  дастаҳои  «Шахтёр» — и   Украина,  «Шариф» — и Молдавия ва  «Левадия» — и  Эстония қувваозмоӣ  хоҳанд кард. Мусобиқа  аз  17  то  25  январ  дар  пойтахти  Россия  баргузор  мегардад.