ҶАМЪБАСТИ НАТИҶАҲОИ МУЛОҚОТИ ВАЗИРОНИ КОРҲОИ ХОРИҶӢ
Маскав, 17 декабр. (АМИТ «Ховар», Ҳалима Хушқадамова). — Дар Маскав таҳти раёсати намояндаи ваколатдори Ҷумҳурии Арманистон дар Созмони аҳдномаи амнияти дастаҷамъӣ Р. Ананян маҷлиси Шӯрои доимии созмони мазкур баргузор гардид. Дар он муовини директори Раёсати ҳамкорӣ бо мамлакатҳои Аврупои ВКХ Русия Ю.Бодров дар бораи натиҷаҳои мулоқоти вазирони корҳои хориҷии мамлакатҳои аъзои САҲА дар Хелсинки маълумот дод. Иштирокчиёни маҷлис аҳамияти калони изҳороти вазирони корҳои хориҷии давлатҳои аъзои СААД дар бораи дастгирии пешниҳоди Русия роҷеъ ба таҳияи қарордоди таъмини амнияти Аврупо ва изҳороти иштирокчиёни маҷлиси Кумитаи котибони шӯроҳои амниятро зикр намуданд. Дар маҷлис зарурати андешидани тадбирҳои муштарак барои амалӣ сохтани пешниҳоди мазкур таъкид карда шуд. Намояндагони ваколатдор маълумоти Котиботи созмонро дар бораи машваратҳои намояндагони доимии давлатҳои аъзои СААД дар назди НАТО ва Иттиҳоди Аврупо ба инобат гирифтанд. Дар маҷлиси мазкур Муншии умумии СААД Николай Бордюжа иштирок дошт ва сухан кард.
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Имрӯз дар ноҳияҳои доманакӯҳи Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
