4471,3 ҲАЗОР СОМОНӢ БАРОИ КОРҲОИ КОФТУКОБӢ — ГЕОЛОГӢ

          Душанбе, 25 декабр. (АМИТ «Ховар», Лаззат Диловарзод).- Бино ба маълумоти Кумитаи давлатии омор, дар 11 моҳи соли 2008 корҳои кофтукобӣ — геологӣ ба маблағи 6815,3 ҳазор сомонӣ иҷро гардидааст. Аз ҷумла, 52,3 фоизи корҳо дар асоси шартнома бо дигар ташкилот ва 47,7 фоиз аз ҳисоби буҷет иҷро шудааст. Дар соли 2008 барои корҳои кофтукобӣ — геологӣ аз ҳисоби буҷети ҷумҳурӣ 4471,3 ҳазор сомонӣ ҷудо карда шудааст. Тариқи маблағҳои буҷавӣ корҳои иҷрокардаи Саридораи геологияи назди Ҳукумати ҷумҳурӣ 93,1 фоиз, Агентии заминсозӣ, геодезӣ ва харитасозии назди Ҳукумати ҷумҳурӣ — 76,5 фоиз, Корхонаи воҳиди давлатии «Нафту газ ва ангишт» — 52,2 фоиз, ҶСШК «Ангишт» — 109,6 фоиз ва КМ «Анзоб» 61,8-фоизро ташкил медиҳад.