АНҶОМИ КИШТИ БАРВАҚТИИ ЗИРОАТҲОИ БАҲОРӢ

Душанбе, 27 декабр. (АМИТ «Ховар», Лаззат Диловарзод).- Тибқи маълумоти Кумитаи давлатии омор, дар тирамоҳи соли 2008 кишти барвақтии зироатҳои баҳорӣ 105 фоиз анҷом дода шудааст. То 10-уми декабри соли ҷорӣ ҳамагӣ 4 ҳазору 747 гектар кишти барвақтии зироатҳои баҳорӣ гузаронида шуда буд. Соли ҷорӣ бошад, ин нишондод ба 5 ҳазор гектар расонида шудааст. Аз ҷумла, дар вилояти Суғд дар майдони 526 гектар, дар вилояти Хатлон-3615 ва дар ноҳияҳои тобеи ҷумҳурӣ дар майдони 895 гектар кишти пиёз, карам, сирпиёз, картошка ва сабзӣ гузаронида шудааст, ки ин нисбат ба ҳамин давраи соли 2007 253 гектар зиёд аст.