АРРАИ ДИЗЕЛИЮ ЧАРХИ КАМАЗРО ДУЗДИДАНД

                     Душанбе, 18 декабр. (АМИТ «Ховар», Мавҷуда Давлатзода).- Сокини ноҳияи Панҷакент Шариф Норови 35-сола ба Шӯъбаи корҳои дохилии ноҳияи Ғончии вилояти Суғд муроҷиат намуд, ки шахсони номаълум дар ҳудуди деҳаи Далёни поён аз бордони мошини тамғаи КАМАЗ — 53212 (рақами давлатиаш 4282 РУС) 5 чархи мошини сабукрав, 2 велосипед, 1 арраи дизелӣ ва 1 чархи КАМАЗ-ро дуздидаанд.                       Аз маркази матбуоти Вазорати корҳои дохилии Ҷумҳурии Тоҷикистон ба мухбири АМИТ «Ховар» хабар доданд, ки ҳангоми гузаронидани чораҳои фаврӣ — ҷустуҷӯӣ шаҳрвандон Уткирҷон Рафиеви 32-сола ва Ходирназар Шарифови 28-соларо дастгир намудаанд. Далелҳои шайъӣ гирифта шуда, тафтиш идома дорад.