АЗ РӮЗҲОИ МУСОИДИ ТИРАМОҲ КАМ ИСТИФОДА БУРДАНД

        Душанбе, 3 декабр. (АМИТ «Ховар», Лаззат Диловарзод).- Дар Вазорати кишоварзӣ ба мухбири АМИТ «Ховар» иттилоъ доданд, ки рафти кишти тирамоҳӣ дар вилояти Суғд ҳамагӣ 24 ҳазору 244 га , ё ки ба қадри 34,6 фоиз, ноҳияи Ҷиргатол — 400 га, ё ин ки ба андозаи 30 фоиз, Роғун — 30 га, ё ба андозаи 26 фоиз, Турсунзода — 2715 га, ё ин ки ба қадри 38,3 фоизи нақша иҷро шудаасту халос.        Раёсатҳои кишоварзии вилояти Суғд ва ноҳияҳои тобеи ҷумҳуриро лозим буд, ки аз ҳар як соати мусоиди обу ҳавои тирамоҳ истифода намуда, кишти тирамоҳиро то 20-уми моҳи ноябр анҷом диҳанд. Аммо дар ҳамаи ин хоҷагиҳо кишти тирамоҳӣ ба аввали зимистон рост меояд, ки самараи он чандон хуб нест.