БАҲРИ ТАДБИҚИ ЛОИҲА 74,4 КМ РОҲ ТАҶДИД ШУД

              Душанбе, 17 декабр. (АМИТ «Ховар», Мавзуна Бойева).- «Лоиҳаи таҷдиди роҳи Душанбе — сарҳади Ҷумҳурии Қирғизистон, фазаи I» миёни Ҳукумати Ҷумҳурии Тоҷикистон ва Бонки Осиёгии Рушд 5-уми марти соли 2004 ва бо Фонди ОПЕК 2-юми сентябри соли 2004 ба имзо расида буд. Маблағи умумии лоиҳа 23,6 млн. доллари ИМА-ро ташкил медиҳад.             Ҳаҷми лоиҳа таҷдиди роҳи автомобилгарди Ваҳдат — Оби Гарм, беҳтар кардани ҳолати роҳҳои шаҳри Ваҳдат, ноҳияи Файзобод, шаҳри Роғун, корҳои таъмирӣ дар роҳи Оби Гарм — Нурободро дар бар мегирад.              Пудратчии асосии лоиҳа ширкати «Синохайдро»-и Ҷумҳурии Халқии Чин буда, машваратчии байналхалқӣ «СМЕК — Австралия» аст.              Бояд зикр намуд, ки баҳри тадбиқи лоиҳа то ҳол таҷдиди 74,4 км роҳ, сохтмони 4 адад кӯпруки нав, таҷдиди 9 адад кӯпруки вуҷуддошта ба анҷом расонида шудааст.