БА МУҲОҶИРОНИ МЕҲНАТӢ НАФАҚА ТАЪИН КАРДА МЕШАВАД

            Душанбе, 1 декабр. (АМИТ «Ховар», Лаззат Диловарзод).- Ба гуфтаи мудири Шӯбаи сиёсати нафақаи Раёсати муносибатҳои меҳнатии Вазорати меҳнат ва ҳифзи иҷтимоии аҳолии ҷумҳурӣ Мӯътабархон Камолова, бо мақсади дар оянда таъмин намудани нафақаи ашхосе, ки имрӯз дар муҳоҷирати меҳнатии хориҷи кишвар қарор доранд, дар навбати аввал бояд мушкилоти пардохти ҳаққи суғуртаи иҷтимоӣ аз ҷониби онҳо ба мақомоти ваколатдор ва кафолатдиҳандаи марбутаи ҷумҳурӣ ҳаллу фасл гардад.             Зарурати омода гардидани лоиҳаи мазкур аз раванди амалӣ намудани сиёсати иҷтимоии Ҳукумати Ҷумҳурии Тоҷикистон дар ҷодаи беҳсозии вазъи иқтисодӣ — иҷтимоии беш аз 500 ҳазор нафар муҳоҷири меҳнатии Ҷумҳурии Тоҷикистон дар хориҷи кишвар бар меояд.