БАЪДИ ДУ СОЛ ВОРИДОТИ ГӮШТУ ТУХМ АЗ ХОРИҶИ КИШВАР ҚАТЪ МЕГАРДАД

           Душанбе, 9 декабр. (АМИТ «Ховар»,  Лаззат Диловарзод).- Бино ба гуфтаи директори Корхонаи воҳиди давлатии «Саноати паррандапарварии Тоҷикистон» Машокир Назаров, баъд аз пурра ба кор даромадани 18 корхонаи паррандапарварии ҷумҳурӣ, барои ворид кардани гӯшту тухм аз хориҷи кишвар эҳтиёҷ намемонад. Ҳоло дар ҷумҳурӣ 16 корхонаи паррандапарварӣ фаъолият доранд. Барои беҳтар намудани вазъи соҳа вазорат тадбирҳои зиёд меҷӯяд. То охири соли ҷорӣ боз 5 адад корхонаи паррандапарварӣ, аз қабили корхонаи паррандапарварии «Малик-М»-и шаҳри Ваҳдат, «Хонаобод»-и ноҳияи Кӯлоб, «Мавзуна»-и Шаҳритус ва «Мурғи Марҷон»-и ноҳияи Файзобод ба кор омода карда мешаванд.