БАРОИ ЗИМИСТОНГУЗАРОНИИ ЧОРВО ХӮРОКА ЗАХИРА МЕКУНАНД

          Душанбе, 9 декабр. (АМИТ «Ховар»,  Лаззат Диловарзод).- Тибқи иттилои сардори Раёсати чорводории Вазорати кишоварзӣ Музаффар Мирзоев, дар вилояти Суғд аз ҳисоби кишти такрорӣ барои зимистонгузаронии чорво 38 ҳазору 600 тонна хошоки дурушт, 19 ҳазору 210 тонна алафи хушк, 200 тонна тарбеда, 17 ҳазору 930 тонна хӯроки ширадор, 11 ҳазору 200 тонна силос, 6 ҳазору 730 тонна лаблабу, 33 ҳазор тонна кунҷола захира карда шудааст. Дар вилоят ба ҳар сар чорво 1,3 сентнер воҳиди хӯрока рост меояд. Дар вилояти Хатлон бошад, хӯрока аз ҳисоби кишти такрорӣ ба ҳар сар чорво 1,5-сентнерӣ ва дар ноҳияҳои тобеи ҷумҳурӣ ба 0,8-сентнерӣ баробар аст.