БО САБАБИ ТАЪМИН НАШУДАНИ СӮЗИШВОРӢ КОР БА ТАЪХИР АФТОД

           Душанбе, 23 декабр. (АМИТ «Ховар», Лаззат Диловарзод).- Тибқи маълумоти фаврии Раёсати растанипарварии Вазорати кишоварзӣ, кишти сабзавот дар гармхонаҳои шаҳру навоҳии ҷумҳурӣ идома дорад. Дар гармхонаи «Тобистон»-и ноҳияи Ваҳдат бо сабаби таъмин нашудани сӯзишворӣ кор ба таъхир афтод. Як қисми гармхона (аз се як қисмаш) таъмир карда шуд ва ба кишти сабзавот шурӯъ намуданд. Ба гуфтаи коргарони ин гармхона, ҷамъоварии ҳосили бодиринг дар моҳи феврал оғоз меёбад. Дар иди бонувон — 8-уми март помидор ҳам барои истеъмол бароварда мешавад. То 22-юми декабри соли 2008 дар масоҳати 34,99 га дар гармхонаҳои ҷумҳурӣ кишти сабзавот гузаронида шудааст, ки аз он масоҳати 15,93 гектарашро помидор ва 11,02 гектари дигарро бодиринг ташкил медиҳад.