БУЗУРГДОШТИ ХОТИРАИ ОЛИМИ БАРҶАСТА

              Душанбе, 27 декабр. (АМИТ «Ховар», Лутфия Эшонқулова).- Имрӯз дар Донишгоҳи давлатии омӯзгории ба номи Садриддин Айнӣ бо ташаббуси омӯзгорони факултаи таърих ба шарафи  садсолагии рӯзи таваллуди академик Бобоҷон Ғафуров конфронси илмӣ баргузор гардид. Дар он олимон ва омӯзгорони ҳамаи мактабҳои олии ҷумҳурӣ ширкат варзиданд.                Декани факултаи таърихи донишгоҳ Насрулло  Убайдуллоев ба мухбири АМИТ «Ховар»   хабар дод, ки дар конфронс дар мавзӯъҳои  «Саҳми Бобоҷон Ғафуров дар ташаккули илми таърихшиносии миллӣ», «Бобоҷон Ғафуров — олими барҷаста ва арбоби давлатии Тоҷикистон», «Саҳми Б.Ғафуров дар тарбияи мутахассисони ҷавон», «Проблемаҳои  таҳқиқи таърихи  забони тоҷикӣ» ва  «Аҳамияти илмии  китоби  «Тоҷикон» маърӯзаҳо хонда шуданд. Мухбири АМИТ «Ховар»» хабар медиҳад, ки маърӯзаҳои дар конфронс муҳокимашуда  дар шакли маҷмӯаи мақолаҳо чоп карда мешаванд.