ДАР ҚУБОДИЁН ҶАВОНИ НОБОЛИҒ БА ХИЗМАТИ ҲАРБӢ ФИРИСТОДА ШУД
Душанбе, 12 декабр. (АМИТ «Ховар», Мурод Сотиев). – Дар вилояти Хатлон ҷавони ноболиғро барои хизмат ба сафи Қувваҳои мусаллаҳ фиристоданд. Корманди прокуратураи низомии гарнизони Қӯрғонтеппа Шӯҳрат Бадалов ба АМИТ «Ховар» хабар дод, ки Комиссариати ҳарбии ноҳияи Қубодиён 13 ноябр сокини ҳамин ноҳия Мӯҳриддини Шарофиддинро ба хизмати ҳарбӣ сафарбар намуд. Аз рӯи маълумоти ҷамоати маҳалли зисти даъватшаванда, ӯ бо фамилияи дигар, яъне Мӯҳриддин Буров ба қайд гирифта шуда, соли таваллудаш 1990 мебошад. Вале фамилияи шахси мазкур дар дафтарҳои қайди Шӯъбаи сабти ҳолатҳои шаҳрвандӣ Буров набуда, балки ҳамчун Мӯҳриддини Шарофиддин сабт шудааст. Илова бар ин, соли таваллуди ӯ на 1990, балки 1991 мебошад. Аз ин ҷо маълум мегардад, ки Комиссариати ҳарбии ноҳия ҷавони ҳанӯз ба синни даъват ба хизмати ҳарбӣ нарасидаро ба хизмати ҳарбӣ фиристодааст. Ш. Бадалов хабар дод, ки бо қарори мақомоти муҳофизи қонун Мӯҳриддини Шарофиддин аз хизмат дар сафи Қувваҳои мусаллаҳ озод карда шуд ва мавриди пурсу ҷӯ қарор дода мешавад. Тафтиши ин қазия давом дорад.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
