ДАР ҲАҶМИ 5 МЛН. СОМОНӢ ҚАРОРДОДИ СОХТМОНӢ БАСТА ШУД

          Душанбе, 9 декабр. (АМИТ «Ховар», Лаззат Диловарзод).- Вазорати меҳнат ва ҳифзи иҷтимоӣ барои давом додани корҳои сохтмонӣ дар осоишгоҳҳо ва биноҳои маъмурии Агентии давлатии ҳифзи иҷтимоӣ, шуғли аҳолӣ ва муҳоҷират бо корхонаҳои сохтмонӣ дар ҳаҷми 5 млн. сомонӣ қарордод ба имзо расонид.  Аз ин маблағ барои сохтмони осоишгоҳи собиқадорони ҷангу меҳнати «Харангон»-и ноҳияи Варзоб ба маблағи 200 ҳазор сомонӣ, бинои маъмурии Агентии давлатии ҳифзи иҷтимоӣ, шуғли аҳолӣ ва муҳоҷирати ноҳияи Нуробод ба маблағи 350 ҳазор сомонӣ, Тавилдара-133, Масчоҳ- 200, Дарвоз-200 ҳазор сомонӣ ҷудо карда шудааст.  Ҳамчунин, барои сохтмони бинои Маркази байналхалқии реаблитатсионӣ дар ноҳияи Балҷувон 765 ҳазор сомонӣ, хона-интернати кӯдакони ноқисулақли «Чорбоғ» ба маблағи 3 млн. 468 ҳазор сомонӣ бо ташкилотҳои сохтмонӣ қарордод баста шуда, то имрӯз баробар бо зиёда аз 5 млн. сомонӣ корҳои сохтмонӣ ба иҷро расонида шудааст.