ДАР ҶУМҲУРӢ 2849 ГЕКТАР БОҒ БУНЁД КАРДА ШУД

             Душанбе, 27 декабр. (АМИТ «Ховар», Лаззат Диловарзод).- Тибқи маълумоти Кумитаи давлатии омор, то 1-уми ноябри соли 2008 дар ҳамаи сохторҳои хоҷагиҳои ҷумҳурӣ 2849,2 гектар боғҳои нав бунёд карда шудааст, ки ин нисбат ба «Барномаи барқарорсозӣ ва рушди минбаъдаи соҳаи боғутокпарварӣ дар ҷумҳурии Тоҷикистон барои солҳои 2007- 2010» ба андозаи 2,3 баробар зиёд аст. Аз масоҳати умумии боғҳо 1189 гектараш мевагиҳои тухмдор, 1287 гектар донакдор, 95 гектар мағздор ва 277 гектар субтропикӣ мебошанд. Аз миқдори умумии боғҳои нав 358 гектар дар заминҳои лалмӣ бунёд карда шудааст.                 Дар давоми соли ҷорӣ 690 гектар токзори нав низ буёд карда шудааст, ки нисбат ба нақшаи пешбинишуда 43,4 фоиз зиёд мебошад.