ДАР ФАСЛИ ЗИМИСТОН МАШҒУЛИЯТҲОИ ТАЪЛИМӢ ҚАТЪ НАМЕШАВАНД?

          Душанбе, 9 декабр. (АМИТ «Ховар», Лаззат Диловарзод).- Дар ноҳияи Ваҳдат бо мақсади бедор намудани завқи хонандагон аз фанҳои алоҳида озмунҳои «Хаттоти беҳтарин», «Донандагони забону адабиёти тоҷик», «Таърихи халқи тоҷик», «Иншои беҳтарин»,  «Беҳтарин дӯстдорони ғазал» дар сатҳи хеле баланд гузаронида шуд,- иброз доштанд дар Шӯъбаи маорифи шаҳри Ваҳдат ба мухбири АМИТ «Ховар».         Дар ин давра бо мақсади тарбияи ватанпарастии хонандагони мактабҳои шаҳр озмуни ҳарбӣ — варзишии «Ҳомии Ватан» миёни даҳ мактаби шаҳр доир гардид. Дастаи «Ватанпарастон»-и шаҳри Ваҳдат дар озмуни ҷумҳуриявии «Ватанпарвар» иштирок намуда, сазовори ҷойи якум шуд. Ҳоло барои таълими мунтазами хонандагон мактабҳо бо сӯзишворӣ пурра таъминанд ва фаъолона кор мекунанд. Умед аст, ки дар фасли зимистон машғулиятҳои таълимӣ як соат ҳам қатъ нагарданд.