ДАР НОҲИЯИ ВОСЕЪ СЕМИНАРИ ИТТИЛООТӢ БАРГУЗОР МЕГАРДАД

                Душанбе, 17 декабр. (АМИТ «Ховар», Лаззат Диловарзод).- Бино ба иттилои Макази матбуот ва иттилооти Вазорати кишоварзӣ, 19-уми декабри соли 2008 дар ноҳияи Восеи вилояти Хатлон дар мавзӯи «Ҳалли қарзҳои хоҷагиҳои Пахтакор ва рушди устувори соҳаи пахтакорӣ» семинари иттилоотӣ баргузор мегардад.                Тибқи барномаи баргузории семинар, баромади директори Муассисаи давлатии Маркази ҳалли қарзҳои хоҷагиҳои пахтакор ва рушди соҳаи пахтакорӣ М. Шералиев дар назар аст.               Сармутахассиси соҳаи кишоварзӣ ва муҳити зист, номзади илмҳои кишоварзӣ Ш. Сафаров дар мавзӯи «Роҳҳои баланд бардоштани истеҳсоли пахта» тавсияҳои илмӣ пешниҳод менамояд.                Дар кори семинар раисони ҷамоатҳои деҳоти минтақаи Кӯлоб ширкат меварзанд. Инчунин, намояндагони Бонки Умумиҷаҳонӣ, роҳбарону мутахассисони соҳаи пахтакории вилояти Хатлон ба ин семинар даъват шудаанд.