ДАР ЗИМБАБВЕ БЕМОРИИ ВАБО ПАҲН МЕШАВАД

             Ҳарора, 13 декабр. (АМИТ «Ховар» — ИТАР — ТАСС). — Бемории вабо дар Зимбабве бо вуҷуди ваъдаҳои Президенти ин мамлакат Роберт Муғоба дар саросари ҷумҳурӣ торафт бештар паҳн мегардад. Р.Муғоба ба хабарнигорон гуфт, ки аз мамлакатҳои минтақа барои кӯмакашон бо мақсади пешгирии паҳншавии беморӣ сипосгузор аст. Вай ҳамзамон мамлакатҳои ғарбро гунаҳкор кард, ки аз вазъияти душвори мамлакат истифода бурда, ҳукумати онро сарнагун кардан мехоҳанд.             Сафири ИМА дар Зимбабве Генриетта Фор зикр намуд, ки паҳншавии бемории вабо дар мамлакат то ҳол боздошта нашудааст. То имрӯз бар асари ин беморӣ қариб 800 нафар вафот кард. Умуман шумораи беморон ба 16 ҳазор нафар мерасад. Ба қавли сафири Амрико, торафт бештар паҳн гардидани беморӣ нишон медиҳад, ки хадамоти дахлдори ин мамлакат вазифаи худро иҷро карда наметавонанд. Г. Фор афзуд, ки ИМА ба Зимбабве барои табобати беморони гирифтори вабо ба маблағи 6,2 миллион доллар кӯмак расонда, инчунин гурӯҳи мутахассисони соҳаи тибро ба ин мамлакат фиристодааст.                                                                                                                                                                              Тарҷумон — Қудратов А.