ДЕҲҚОНОНИ ХУРОСОН ҚАРЗҲОЯШОНРО БАРМЕГАРДОНАНД

            Қӯрғонтеппа, 11   декабр. (АМИТ «Ховар», Мурод  Сотиев). —  Мизоҷони  филиали  дар  ноҳияи  Хуросон будаи  «Тоҷпромбонк» то  имрӯз  бештар  аз  сад  ҳазор  сомонӣ  қарзҳои  гирифтаашонро  баргардонданд. Директори шӯъбаи  63 – юми  бонки  мазкур   дар  ноҳияи  Хуросон  Бобохӯҷа  Рустамов   ба  АМИТ «Ховар»  хабар  дод, ки  ба  хоҷагиҳои  деҳқонии  ноҳия   барои  парвариши  пахта  ба  маблағи  қариб  743  ҳазор  сомонӣ қарз  дода шуда буд. Онҳо аллакай  ба  баргардонидани қарзҳояшон  шурӯъ  намуданд,  гуфт  Б.Рустамов. Филиали  «Тоҷпромбонк»  дар  ноҳияи  Хуросон 47 хоҷагии  деҳқонии  ноҳияро  бо  маблағ   таъмин  менамояд. Ба  қавли  Б.Рустамов,  имрӯз  дар  масъалаи  баргардонидани  қарзи  хоҷагиҳои  деҳқонӣ  ягон  проблема  вуҷуд  надорад. Вале  вобаста ба  шароити  ғайричашмдошт,  аз  ҷумла,  шароити  иқлим,  хоҷагиҳои  деҳқонӣ метавонанд  қарзҳояшонро  аз мӯҳлати  муқарраршуда  дертар  баргардонанд,  гуфт  Б. Рустамов.