ИМЗОИ МЕМОРАНДУМИ ҲУСНИ ТАФОҲУМ

          Душанбе, 1  декабр. АМИТ «Ховар»,   Наргис  Бояхмедова). –  Дар  пойтахти  Фаронса  —  Париж  намояндагони ЮНЕСКО  ва  Бунёди  байнидавлатии  ҳамкории  гуманитарӣ  меморандуми  ҳусни  тафоҳумро  имзо  карданд. Ҳуҷҷати  мазкур  барои  густариши  ҳамкориҳои  мутақобилан муфиди  ЮНЕСКО  ва Бунёди  байнидавлатии  ҳамкории  гуманитарӣ  дар  соҳаҳои  маориф,  илм,  фарҳанг,  иттилоот, алоқа, фаъолияти бойгонӣ,  варзиш, туризм ва  кор   бо  ҷавонон имкониятҳои  иловагии  ҳамкорӣ  муҳайё  месозад. Бунёди   байнидавлатии  ҳамкории  гуманитарӣ соли  2006  бо қарори  сарони  ҳукуматҳои ИДМ  таъсис  ёфта  буд.           Соли  равон ба  бунёди  мазкур   Ҷумҳурии  Озарбойҷон  ҳамроҳ  шуд. Меморандумро  директори  генералии  ЮНЕСКО  Коитиро  Матсуура    ва раиси садорати  бунёди  зикршуда,  вазири  маориф  ва  илми  Ҷумҳурии  Қазоқистон  Ҷонсаид  Тӯймабоев  имзо  карданд.