ИСТЕҲСОЛИ КОҒАЗ, ЛИНОЛИУМ, СПИРТ ВА ОҲАР АЗ ҶУВОРИМАККА

          Душанбе, 9 декабр. (АМИТ «Ховар», Лаззат Диловарзод).- Дар қатори зироатҳои ғалладонагӣ ҷуворимакка яке аз серҳосилтарин зироат ба ҳисоб меравад,- иброз дошт доктори илмҳои кишоварзӣ С.Т. Саидов ба мухбири АМИТ «Ховар». Ҷуворимакка дар кишти асосӣ ва такрорӣ истифода бурда мешавад. Дони онро барои тайёр кардани хӯрокаи серғизо истифода мебаранд.  Аз ҷуворимакка консерва, ярма, оҳар, спирт истеҳсол мекунанд. Аз баргу пояи ҷуворимакка силос, сенаж, коғаз, линолиум истеҳсол карда мешавад. Дар шароити ҷумҳурии мо ҷуворимаккаи навъи «Шӯҳрат», «Дилшод», «Аскар» ва «Зоҳир»-ро, ки аз тарафи Пажӯҳишгоҳи зироаткорӣ офарида шудаанд, барои кишт истифода мебаранд.