ИСТЕҲСОЛИ МАҲСУЛОТИ ОЗУҚАВОРӢ ЗИЁД МЕШАВАД

            Душанбе, 23 декабр. (АМИТ «Ховар», Лаззат Диловарзод).- Бино ба маълумоти Кумитаи давлатии омор, дар 11 моҳи соли 2008 ҳаҷми истеҳсоли маҳсулот 947,6 млн. сомониро ташкил дод, ки ин шумора нисбати ҳамин давраи соли 2007 9,3 фоиз зиёд аст. Боиси зикр аст, ки корхонаҳои саноатии равғанкашию панирпазӣ 122,4 фоиз ва дигар соҳаҳои саноати хӯрокворӣ 112,1 фоиз зиёд маҳсулот истеҳсол карданд. Айни замон истеҳсоли маҳсулоти корхонаҳои равғану чарбу 77,1 фоиз, моҳӣ 81,1 фоиз ва шароб 94,8 фоиз кам гардидаааст. Аз 268 корхонаи соҳа 52,6 фоизашон нисбати моҳҳои январ — ноябри соли 2007 бештар маҳсулот истеҳсол намудаанд.