КӮМАКИ ҶАМЪИЯТИ ҲИЛОЛИ АҲМАР БА ИНТЕРНАТҲО

         Душанбе, 10   декабр. (АМИТ «Ховар», Фарангис  Раҳимова). –   Кормандони  Ҷамъияти  Ҳилоли  Аҳмари  Тоҷикистон  дар  арафаи  Иди  Қурбон  ба  чор  мактаб – интернат  кӯмаки  хайрия  расонданд.  Онҳо  ба ин  мактабҳо   аз  ҷумла  орду  равған,  марҷумак ва  шакар  тӯҳфа  карданд.  Кӯмаки  хайрия  ба тарбиягирандагони Муассисаи таълимии  духтарони  бесаробонмондаи Кумитаи   кор  бо  занон ва оилаи   назди  Ҳукумати  Ҷумҳурии  Тоҷикистон,  боғчаи  бачагонаи  махсусгардонидашудаи  рақами  42 – юми  ноҳияи  Сино,  филиали  мактаби  миёнаи  рақами  56   барои бачагони  нобино ва  тарбиягирандагони  мактаб – интернати  «Чорбоғ»  расонда шуд. Муншии  умумии  Ҷамъияти Ҳилоли  Аҳмари  ҷумҳурӣ  Зафар  Муҳаббатов  ба  мухбири  АМИТ «Ховар»  гуфт, ки  кӯмаки  хайрия  бо  дастгирии  Бонки  рушди  исломӣ  расонда шуд.