КӮМАКИ ХАЙРИЯ БА ХОНА — ИНТЕРНАТҲО ВА ХОНАҲОИ МАЪЮБОН

            Хуҷанд,  9  декабр. (АМИТ «Ховар»,  Санавбар  Мақсудова). –Раиси   вилояти  Суғд Қоҳир  Расулзода дар  арафаи  иди  Қурбон  аз хона —  интернати   одамони  солхӯрда  ва бачагони  маъюби  Деҳмой   боздид  ба  амал  овард. Вай  дар  ин  ҷо  ба  маъюбон   аробачаҳо,  як  адад  генератори  барқӣ ва  50  кат  тӯҳфа  кард.  Ба  туфайли  кӯмаки  раиси  вилоят   яке аз   истиқоматкунандагони  хона – интернати  мазкур  Кимёхон Ф. – и 25 – сола,  ки  бемори  бистарӣ  мебошад,   имкон  пайдо  кард,  ки  бо  аробачаи  маъюбӣ  ҳаракат  кунад. Инчунин  Агентии  давлатии  суғурта   ва  шӯъбаи  фурӯши  «Шабакаи  барқи Ӯротеппа»   ба маъюбон   тӯҳфаҳои гуногун  пешкаш карданд. Дар  хона – интернати  Деҳмой  айни  ҳол  200  шахси  маъюб  зиндагӣ  мекунад. Ба  муносибати иди  Қурбон  инчунин   ба  тарбиягирандагони  Хонаи  бачагони  рақами  1 – уми  шаҳри  Шӯроб  аз  номи  сарпарастони он – Ҷамъияти  саҳомии «Ангишт»,  Ҷамъияти саҳомии «Корхонаи  спирт» -и  шаҳри  Исфара,  Фонди  ҳифзи  иҷтимоии  вилоят  ва  Агентии  миллии  иттилоотии   Тоҷикистон «Ховар»  кӯмаки  хайрия  расонда шуд.  Ин  ташкилотҳо  ба  хонаи  бачагон  либоси  гарм  ва  маводи  хӯрока  тӯҳфа  карда,  барои  тарбиягирандагони он   дастурхонаи идона  кушоданд. Ҳоло  дар   хонаи  бачагони  шаҳри  Исфара  35  нафар  истиқомат  дорад.