КИШТИ ҒАЛЛАДОНА АЗ ПОРСОЛА 62 ҲАЗОРУ 383 ГЕКТАР ЗИЁД АСТ

          Душанбе, 3 декабр. (АМИТ «Ховар», Лаззат Диловарзод).- Бино ба маълумоти фаврии Раёсати растанипарварии Вазорати кишоварзӣ, то 1-уми декабри соли ҷорӣ аз 238 ҳазору 800 гектар нақшаи кишти тирамоҳии ғалладона ва картошка, майдони 148 ҳазору 433 гектари он кишт карда шудааст, ки ин ба 65,5 фоизи нақша баробар аст. Ба ақидаи сардори Раёсати растанипарварии Вазорати кишоварзӣ Саидмурод Баҳриддинов, кишти тирамоҳии ғалладона нисбат ба ҳамин давраи соли 2007 ба андозаи 62 ҳазору 383 гектар зиёд мебошад. Дар хоҷагиҳои деҳқонӣ ва фермерии ҷумҳурӣ дар мавсими тирамоҳи соли ҷорӣ дар майдони 3 ҳазору 81 гектар кишти сабзавот ва дар масоҳати 113 гектар картошкаи тирамоҳӣ шинонда шудааст.