КИТОБЧАҲОИ КӮДАКОНАРО ГИРД ОВАРДА, ЧОП КАРДАНД

Душанбе, 29 декабр. (АМИТ «Ховар», Лутфия Эшонқулова).- Дар нашриёти «Эҷод» бо номи «Китобчаҳои заррин» китоби наве барои кӯдакону наврасон аз чоп баромад. Муаллифи китоб Муҳаббати Юсуф буда, дар он қариб ҳамаи китобчаҳои кӯдаконае, ки дар давоми соли 2008 нашр шуда буданд, гирд оварда шудаанд. Тавре ба АМИТ «Ховар» директори Китобхонаи кӯдаконаи ҷумҳуриявии ба номи М. Миршакар Афғонов хабар дод, шумораи китобчаҳои ҷамъомада 16 ададро ташкил медиҳад. Бояд зикр намуд, ки ин дастур як намуд хулосаи библиографӣ ва таҳлили китобчаҳои кӯдакона буда, дар таърихи адабиёти тоҷик аввалин бор таҳия мешавад.