КОНФРОНСИ ҶУМҲУРИЯВӢ БАХШИДА БА 100-СОЛАГИИ АКАДЕМИК Б. ҒАФУРОВ

        Душанбе, 2 декабр. (АМИТ «Ховар», Лутфия Эшонқулова).- Бо ташаббуси шӯъбаи илм ва факултаи таърихи Донишгоҳи давлатии омӯзгории Тоҷикистон ба номи С. Айнӣ 27-уми декабр бахшида ба 100-солагии академик Бобоҷон Ғафуров таҳти унвони «Бобоҷон Ғафуров ва ташаккули таърихнигории миллӣ» конфронси ҷумҳуриявӣ баргузор мегардад. Дар конфронс таърихшиносон, профессору академикҳои ҷумҳурӣ иштирок хоҳанд кард. Дар он як қатор масъалаҳо роҷеъ ба фаъолияти Б. Ғафуров, аз ҷумла, нақши ӯ дар тарбияи кадрҳои миллӣ, Бобоҷон Ғафуров ҳамчун арбоби сиёсӣ ва давлатӣ, саҳми академик дар ташаккули ховаршиносии шӯравӣ ва рушди таърихнигории миллӣ мавриди баррасӣ қарор мегиранд.