МАҶЛИСИ НАВБАТИИ КОМИССИЯИ БАЙНИҲУКУМАТИИ ҲАМКОРИИ ТОҶИКИСТОНУ БЕЛОРУ

              Душанбе, 18 декабр. (АМИТ «Ховар», Покиза Маҳмадбекова). — 17 декабр дар Душанбе маҷлиси шашуми Комиссияи байниҳукуматии ҳамкории тиҷоратию иқтисодии Тоҷикистону Белорус баргузор гардид. Дар он масъалаҳои вазъи имрӯзаи муносибатҳо ва ҳамкории ҳар ду мамлакат ва нақшаҳои ояндаи он дар соҳаҳои мошину дастгоҳсозӣ, кишоварзӣ, ҷустуҷӯ ва истихроҷи сарватҳои зеризаминӣ ва воридоту содироти мол муҳокима шуданд. Дар маҷлис ҳайати Ҷумҳурии Тоҷикистон таҳти роҳбарии муовини аввали вазири рушди иқтисод ва савдои мамлакат Лариса Кислякова ва ҳайати Белорус таҳти роҳбарии муовини аввали вазири корҳои хориҷии ин мамлакат Игор Петришенко ширкат варзиданд.              Мухбири АМИТ «Ховар» хабар медиҳад, ки маблағи хариду фурӯши мол дар байни ҳар ду кишвар дар давоми даҳ моҳи соли равон қариб 70 миллион доллари ИМА — ро ташкил дод. Тарҷумон — Қудратов А.