МАСЪАЛАИ ВУРУДИ КИШВАРҲОИ ОСИЁИ МАРКАЗӢ БАРРАСӢ МЕШАВАД

       Душанбе. 4 декабр. (АМИТ «Ховар», Покиза Маҳмадбекова). — Имрӯз дар шаҳри Бишкеки пойтахти Қирғизистон оид ба масъалаи вуруди кишварҳои Осиёи Марказӣ ба Созмони ҷаҳонии савдо конфронси минтақавии «Рушди тиҷорат дар Осиёи Марказӣ: мушкилот ва дурнамо» баргузор мегардад. Тавре ба мухбири АМИТ «Ховар» аз Вазорати рушди иқтисод ва савдои ҷумҳурӣ иттилоъ доданд, дар конфронси мазкур аз Ҷумҳурии Тоҷикистон муовини вазири рушди иқтисод ва савдо Зӯҳриддин Кенҷаев иштирок мекунад. Дар ҷараёни мулоқот масоили густариши ҳамкориҳои тиҷорӣ, ислоҳоти низоми техникӣ ва ҳифзи ҳуқуқҳои моликияти зеҳнӣ мавриди баррасӣ қарор мегиранд.