МУҲОКИМАИ ФАЪОЛИЯТИ ҲАЙАТҲОИ НОЗИРОНИ ИДМ ДАР МИНСК

           Душанбе,  16  декабр. (АМИТ «Ховар», Наргис  Бояхмедова). – 17   декабр  дар  шаҳри  Минск   дар  мавзӯи «Таҷриба  ва  роҳҳои   беҳтар  сохтани  фаъолияти  ҳайатҳои  нозирони ИДМ   дар интихоботи  мамлакатҳои  аъзои  Иттиҳод»   машварат  баргузор   мегардад. Дар  он  масъалаҳои  роҳу  усулҳои гузаронидани  интихобот  дар  замони  ҳозира,  риояи  принсипҳои  демократия  дар  ҷараёни  гузаронидани  интихобот,  меъёрҳои  байналхалқии  интихоботӣ   ва  ҳамкорӣ  бо  созмонҳои  байналхалқӣ  дар  гузаронидани  интихобот ва  ғайра  муҳокима  карда  мешаванд. Дар  машварат аъзои  Комиссияи  марказии  интихобот  ва раъйпурсии Белорус,  намояндагони  комиссияҳои   марказии  интихобот  ва  вазоратҳои  корҳои  хориҷии  Озарбойҷон, Қазоқистон, Қирғизистон,  Русия,  Тоҷикистон ва  Ӯзбекистон  ширкат  меварзанд.