МУҲОКИМАИ МАСЪАЛАҲОИ ҶАЛБИ САРМОЯИ ТУРКИЯ БА ИҚТИСОДИЁТИ ҶТ
Анқара, 4 декабр. (АМИТ «Ховар», Катерина Аксакова). – Намояндагони Шӯрои муносибатҳои иқтисодии берунии Туркия ва кормандони сафоратхонаи Тоҷикистон дар Ҷумҳурии Туркия 3 декабр дар шаҳри Анқара мулоқот карданд. Ҳадафи мулоқот ҷалби бештари сармояи соҳибкорону тоҷирони Туркия ба иқтисодиёти Тоҷикистон мебошад. Сафири кабири Тоҷикистон дар Туркия Шӯҳрат Султонов ба мусоҳибонаш дар бораи барномаҳои калонҳаҷми иқтисодии Тоҷикистон дар соҳаҳои саноати бофандагӣ, энергетика ва сохтмони биноҳои истиқоматӣ маълумот дод, ки ба сармоя ниёзи калон доранд. Намояндагони Шӯрои муносибатҳои иқтисодии берунии Туркия кормандони сафоратхонаи Тоҷикистонро дилпур сохтанд, ки бо ҳар роҳу восита ба ҷалби сармояи тоҷирони соҳибкорони мамлакаташон ба иқтисодиёти Тоҷикистон мусоидат хоҳанд кард.
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Имрӯз дар баъзе ноҳияҳои Тоҷикистон туман мефарояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
