МУОИНАИ МАҲБУСОН БАРОИ ТАШХИСИ БЕМОРИҲОИ ВИЧ/СПИД

        Душанбе, 10   декабр. (АМИТ «Ховар», Фарангис  Раҳимова). –  Муассисаҳои ислоҳи меҳнатии Тоҷикистон  бори  аввал  имконият  пайдо  намуданд, ки маҳбусонро  бо мақсади  ошкор  намудани  бемориҳои  ВИЧ/СПИД  аз  муовинаи  тиббӣ  гузаронанд. Муассисаи  рушди СММ дар  доираи  истифодаи  маблағи  кӯмаки  Бунёди  ҷаҳонии  мубориза ба  муқобили  бемориҳои  СПИД, сил ва  табларза ба  шӯъбаи  тиббии  раёсати  ислоҳи  меҳнатии  Вазорати  адлияи  Ҷумҳурии  Тоҷикистон  барои ташхиси  бемориҳои  ВИЧ/СПИД  озмоишгоҳи  комилан  муҷаҳҳази  ҳозиразамонро  тӯҳфа  кард. Тибқи  нақша, кормандони озмоишгоҳ  роҳу  усулҳои  истифодаи  асбобу  анҷоми  озмоишгоҳ  ва  ташхиси  маҳбусонро  меомӯзанд. Озмоишгоҳи  мазкур  бо  кӯмаки  Бунёди  ҷаҳонии мубориза  ба  муқобили   бемориҳои  ВИЧ/СПИД  тармим  карда, бо  асбобу  анҷоми  зарурӣ  муҷаҳҳаз  гардонида  шуд. Озмоишгоҳ  ба  мутахассисони  соҳаи  тандурустии  ҳабсхонаҳо  имкон  медиҳад, ки  бемориҳои  хавфнокро  сари вақт  ошкор  намуда,  маҳбусони  беморро  таҳти табобат  қарор  диҳанд.