МУСОБИҚАИ ДАСТАҲОИ БАЧАГОНИ МАЪЮБИ БАСКЕТБОЛБОЗ

           Душанбеи 2 декабр. (АМИТ «Ховар», Людмила Дубинина).- Пагоҳ, 3 декабр дар мактаб — интернати махсуси рақами 3- юми шаҳри Душанбе мусобиқаи дастаҳои  бачагони маъюби баскетболбоз баргузор мегардад. Ин мусобиқа бо ташаббуси  созмони «Специал олимпик» — и Душанбе ва  Раёсати маорифи шаҳр гузаронида мешавад. Директори генералии созмони  «Спесиал  олимпик» Дилбар Шарифова ба мухбири АМИТ «Ховар» гуфт, ки созмони мазкур соли 1995 таъсис ёфта, вазифаи он ташкили мусобиқаҳои  варзишӣ барои бачагони маъюб мебошад. Созмони мазкур имрӯз бештар аз 8 ҳазор аъзо дорад. Онҳо метавонанд маҳорату истеъдоди худро дар мусобиқаҳои варзишии  маҳаллию ҷумҳуриявӣ ва байналхалқӣ зоҳир намоянд.           Варзишгарони мо  ҳар чор сол як маротиба  дар  мусобиқаҳои гуногуни варзишии  мамлакатҳои  Аврупою Осиё ширкат меварзанд. Созмони мо  айни ҳол бештар аз 40 нафар қаҳрамони бозиҳои олимпӣ дорад. Аз ҷумла  соли 2005 варзишгарони мо  дар намудҳои варзиши  чавгонбозӣ ва хоккей қаҳрамони олимпӣ гардиданд, гуфт Дилбар Шарифова.