«НАБЕРАИ ПРЕЗИДЕНТ МУОВИНИ РАИСИ БОНКИ РУШДИ ҚАЗОҚИСТОН ТАЪИН ШУД»

          Остона,  16  декабр. (АМИТ «Ховар» — Би-Би-Си). – Набераи Президенти  Қазоқистон  Нурсултон  Назарбоев —  Нуралӣ  Алиев  муовини   раиси  Бонки рушди  Қазоқистон  таъин  карда шуд. Нуралӣ Алиев  23 — сола  буда,  дар  Бонки  рушди  Қазоқистон  ба  ҳалли  масъалаҳои  молиявию  ҳуқуқӣ  масъул  мебошад. Вай  то имрӯз  раиси  Шӯрои  директорони  Ҷамъияти  саҳомии  «Нурбонк» буда, қабл аз ин муовини  аввали  раиси Ҷамъияти  саҳомии  «Нурбонк»,  раиси   Шӯрои  директорони  Ҷамъияти  саҳомии «Европа плюс  Қазоқистон», раиси  ширкати телевизионии «Хит ТВ»  ва раиси  Ҷамъияти  саҳомии  «Сахарний  центр»  шуда  кор  мекард. Ба  қавли  коршиносон,  ба  ин  вазифаи  масъулиятнок  таъин  намудани   писари Дориға Назарбоева  ва Роҳат  Алиев  овозаҳоро  дар  бораи ояндаи  наздик  ба  майдони  сиёсат  қадам  гузоштани  набераи  калонии  президент тасдиқ  менамояд.  Ин  ҳамчунин шаҳодат  медиҳад, ки  сардори  давлат  ба  набераи  калонии  худ  бештар  боварӣ  дорад.